موبایلیم زنگ چالدی نومره یه باخیب آدیوی گؤردوم، تئزلیکجه جاواب وئردیم سسینین سئوینجلیگیندن ساندیم علیرضادان یئنی خبرلرین وار. من سوروشمادان دئدین "منه وکیل مولاقات آلیب، گئدیرم علیرضامی گؤرم". ایلک اؤنجه چوخ سئویندیم، دانیشمامیزین کسیلمه سیندن 10 ثانیه کئچمهمیشدی کی بیردن اورگیم تیترهییب، بو ایشده حیله اولماغی دوشوندوم. نییه کی او زامانادک وکیلین اؤزونه علیرضا ایله گؤروشمک ایذنی وئریلمهمیشدی. وکیل دئییر علیرضانین بازجویی سی قورتولماییب و ایطیلاعاتدا موسلم ایدی کی مولاقات اولماز! بو گرچکلرین هامیسی بیردن باشیمیزا نه گلدیگینی منه آنلاتدی.
گئج اولموشدو، چوخ دا گئج اولموشدو. موبایلیوی چوخ تئز سؤندورموشدون. نه قدر زنگ آچدیم اولمادی اؤزومه توخداقلیق وئریب، چالیشدیم یاخشی دوشونم. تیلفونونو گؤزله دیم. او اورگه یاتان سسینله علیرضا ایله گوروشمگیندن خیالیمدا جوملهلر قوردوم. هر نهیی زامانا بوراخمادان باشقا چارهم یوخ ایدی. زامان رحمسیزجه دایانمیشدی. سیما جان! اینان موبالیغه ائتمیرم زامان چوخ گئج قاباغا گئدیردی. سندن هئچ خبر یوخ ایدی. آخشام ساعات 6.5 اولموشدو، یامان داریخمیشدیم. واقتین ساووشماسین یئگینلتمک اوچون اینترنته گئتدیم، بیردن اورگیم قیریلدی، یازیلمیشدی "سیما دیداربازداشت شد" اوخودوم، بیرده اوخودوم و بیرده ...، نئجه توتولماغین من حدس ووران کیمین ایدی، خبرین ده قایناغی مؤعتبر آدام ایدی.
بیلدیم دوزدور. قهر لندیم، ائلهیه بیلمیردیم اؤزومو ساخلییام آغلادیم، اؤزومو چوخ؛ آما چوخ؛ سوچلادیم. شاید سن زنگ آچیب گئتمه نی دیهنده حیسیمی دیله گتیرسهیدیم، بلکه سؤزومه باخیب، قاباق کی کیمین علیرضانین آزادلیغی اوغروندا چالیشاردین. بیلیرم علیرضانی اینجیتمک و اؤز ایستهدیکلری اعتیرافلارینی اوندان آلماق اوچون سنین توتوبلار، جانیم اینانیرام موقاویم اولوب، بو موقاویمت گونلریزی بیرلیکده بیزلره تعریفلهیهجکسیز. سیما جان 14 گون توتولماغیندان گئچدی. بیلیرم ساییرسان 42 گوندو ده کی علیرضا دایانیب. بو مطلبی یازماقدان دا باشقا بیر ایش سیزه ائده بیلمیرم. بیلیرسن بازپرس هاشم زاده یالنیز توتولانلارین عاییلهسینه جاواب وئریر. شاید ده سنین علیرضانی آزاد ائتمک چالیشمالاریندان قوخدولار. یادیندادی بازپرس دئمیشدی، علیرضا وطن فروش(ساتقین) دیر. سنده جاوابلامیشدین منیم قایین آتام جیبههلرده قان وئرنده، سن هاردایدین، دونیانین هاراسیندا آنا دیلینده مدرسه ایسته مک سوچدور. میلتیمیز اؤزو گؤرور کی کیم وطنین ساتیر
گئج اولموشدو، چوخ دا گئج اولموشدو. موبایلیوی چوخ تئز سؤندورموشدون. نه قدر زنگ آچدیم اولمادی اؤزومه توخداقلیق وئریب، چالیشدیم یاخشی دوشونم. تیلفونونو گؤزله دیم. او اورگه یاتان سسینله علیرضا ایله گوروشمگیندن خیالیمدا جوملهلر قوردوم. هر نهیی زامانا بوراخمادان باشقا چارهم یوخ ایدی. زامان رحمسیزجه دایانمیشدی. سیما جان! اینان موبالیغه ائتمیرم زامان چوخ گئج قاباغا گئدیردی. سندن هئچ خبر یوخ ایدی. آخشام ساعات 6.5 اولموشدو، یامان داریخمیشدیم. واقتین ساووشماسین یئگینلتمک اوچون اینترنته گئتدیم، بیردن اورگیم قیریلدی، یازیلمیشدی "سیما دیداربازداشت شد" اوخودوم، بیرده اوخودوم و بیرده ...، نئجه توتولماغین من حدس ووران کیمین ایدی، خبرین ده قایناغی مؤعتبر آدام ایدی.
بیلدیم دوزدور. قهر لندیم، ائلهیه بیلمیردیم اؤزومو ساخلییام آغلادیم، اؤزومو چوخ؛ آما چوخ؛ سوچلادیم. شاید سن زنگ آچیب گئتمه نی دیهنده حیسیمی دیله گتیرسهیدیم، بلکه سؤزومه باخیب، قاباق کی کیمین علیرضانین آزادلیغی اوغروندا چالیشاردین. بیلیرم علیرضانی اینجیتمک و اؤز ایستهدیکلری اعتیرافلارینی اوندان آلماق اوچون سنین توتوبلار، جانیم اینانیرام موقاویم اولوب، بو موقاویمت گونلریزی بیرلیکده بیزلره تعریفلهیهجکسیز. سیما جان 14 گون توتولماغیندان گئچدی. بیلیرم ساییرسان 42 گوندو ده کی علیرضا دایانیب. بو مطلبی یازماقدان دا باشقا بیر ایش سیزه ائده بیلمیرم. بیلیرسن بازپرس هاشم زاده یالنیز توتولانلارین عاییلهسینه جاواب وئریر. شاید ده سنین علیرضانی آزاد ائتمک چالیشمالاریندان قوخدولار. یادیندادی بازپرس دئمیشدی، علیرضا وطن فروش(ساتقین) دیر. سنده جاوابلامیشدین منیم قایین آتام جیبههلرده قان وئرنده، سن هاردایدین، دونیانین هاراسیندا آنا دیلینده مدرسه ایسته مک سوچدور. میلتیمیز اؤزو گؤرور کی کیم وطنین ساتیر
No comments:
Post a Comment